මිතුරිය

     නෙත් කෙවෙණි පිරවු දුක් කඳුළු බිඳු
     මොහොතින් පිසදා සිනාසෙන නුඹ
     කොතරම් සොඳුරුද මා දයාබර මිතුරියේ
     කිව නොහැකි දුක් කඳක්
     හිරකරන් පපුතුරේ
     සිනාසෙන්නේ කෙලෙසදැයි පවසන්න
     යෙහෙළියේ
     හැරදමා ගිය හිමි වෙතින්
     තවත් එන දුක් ගැහැට
     දරාගෙන ගිරි කුළක් ලෙසින් මහ
     පිය නගන දිවිමගේ බිඳෙන් බිඳ ඉදිරියට
     කොහෙන්දෝ ඔබට මේ තරම් සිත සවිය?
     දරා තව තවත් වෙර පිය නගනු ඉදිරියට
     සඟවා ඔය දුක් සුසුම්
     පිපෙයි නුඹ ඉදිරියේ
     දහසක් අරවින්දයන් හෙට දිනේ.


මේ මගේ ආදරණීය මිතුරියක් වෙනුවෙන් ලියවුනු නිසදැසක්. මේ නිසැදැසින් සැබැවින්ම කියවෙන්නේ ඇගේ ජීවිතයයි. ජීවිතයේ බොහොමයක් එන දුක් ගැහැට ගිරිකුළක් මෙන් දරා ගන්නා ඇය සැම විටම සිනහවකින් පිරි මා දුටු සුන්දරම ගැහැණියක්. ___________________________________________________________________________________
KB 2021.06.22