ආදරයක සොඳුරු වු අරුමය ඇරඹුමට මොදු වන සෙනෙහස් මල් කැකුළ
තොල් පෙති මත මිමිණූ
සුන්දරම කවියක්ව
රැදෙන්නට ඉඩදෙන්න
ඔය සවන් පත් අතර
පිපෙන්නට වෙරදරණ
සෙනෙහසේ මල් කැකුළ
පිපෙන්නට ඉඩදෙන්න
ප්රේමයේ පිණි පොදක් ඉස
පුදන්නට හිත පිරුණ
සෙනෙහසට ඉඩදෙන්න
සැමදාම රැදෙන්නට
ඔය සොඳුරු සිත් මඩල
දෙන්න ඔය සිනා පොද
රැදෙන රතු දෙතොල් මත
තරුවක්ව පායන්න
ඔය සොඳුරු සිත් අහස
මියෙන තුරු ආදරෙන්
___________________________________________________________________
KB 2021.03.25
අපේ ජීවිත තුළ අප පතන ආදරය බොහෝවිට ලැබෙන්නේ නැත. විවිධාකර වු හේතුන් නිසා එය අපට නොලැබී යා හැක. ආගම, කුලය, ධනය, බලය, වයස, හඳහන්, දෙමව්පියන් වැනි කුමන හෝ හේතුවක් නිසා එය සිදුවී යා හැක. බොහොවිට දෙදෙනෙක් අතර ගොඩනැගෙන ආදරයට මෙවැනි දෑ බාධක නිසා බිදී යයි. එ කෙතරම් කණගාටුදායකද? එය කෙතරම් අවාසනාවන්තද? ශක්තිමත් සිත් ඇත්තවුන් කලාතුරකින් මේ බාධක ජයගෙන ඉදිරියට ගමන් කරයි.
තනිවුණු හදකට
බිදුණු සිතකට
සුවපත් සිතුවිලි
එක්කළ ඔබයි විහඟිය
පිරුණු ආදරය
ඔබේ සිත තුළ
දැනෙයි මට
බිදෙන් බිද දිනෙන් දින
එහෙත් එරෙහිය
අපට අප දෛවය
සිදුවේද දුරස් වී හිදිනට
කිසිදා යා නොවන
මාවත් දෙකක් අද්දර
කඳුළු පිරි නෙත් කෙවෙණි
රිදී ගිය සිතුවිලිත්
දරන් මා සිත තුළ
කෙළෙස යන්නද මා
නුඹ දමා දුරට
___________________________________________________________________
KB 2021.01.06
