කම්මුල් පාර

     බර්ටියා මීට අවුරුදු පහකට විතර කළින් ටියුෂන් එකක් කලා කෝට්ටේ.      සෙනසුරාදා දවසක උදේ වරුවේ තමයි මේ ක්ලාස් එක තිබ්බේ. මේ      කියන්න යන්නේ ක්ලාස් එක ගැන කතාවක් නෙවෙයි ක්ලාස් එකට      යන අතර මඟදී වෙච්ච සිද්ධියක් ගැන.

     බර්ටියා ඉතින් 180 බස් එකක ඇවිල්ලා ආමර් විදිය ගාවින් බැහැලා,      එතනින් පොඩ්ඩක් එහා පැත්තට ගිහිල්ලා 176 නුගේගොඩ හරි      කරගම්පිටිය හරි බස් එකක නැගලා රාජගිරියෙන් බැහැලා තමයි ක්ලාස්      එකට යන්නේ. ආමර් විදීයේ තියෙන පන්සල ඉස්සරහට වෙන්න      (බර්ටියට මතක විදිහට ජේතවනාරාමය) කඩ පේළියේ තෝස කඩ      දෙකක් තිබ්බා. දැනුත් තියෙනවා ඉතින්. හැබැයි දැන් පරණ කට්ටිය නෙවෙයි ඉන්නේ. ඔය කඩ දෙකින් එකකට රිංගලා උදේට බඩට මොනවා හරි දාගන්නවා, ආයේ දවල් වෙනකම්ම කන්න ලැබෙන්නේ නැති නිසා.

ඔන්න දවසක් බර්ටියා උදේ 8.00 ට විතර ඔතනින් බැහැලා එක තෝස කඩේකට රිංගුවා මොනවා හරි බඩට දාගන්න කියලා. කඩේ මුදලාලා ටිකක් වයසක හොද උස මහත කෙනෙක්. ඒ දවස් වල හොද කස්ටමර් සර්විස් එකක් තිබ්බා ඒ කඩේ. පොඩ්ඩ පරක්කු වුනොත් මුදලාලිම ඇවිල්ලා බලනවා. සතියකට දෙකකට සැරයක් බර්ටියා ඕකට රිංගන හින්දා පොරට බර්ටියව මතකයි. බර්ටියව ඉතින් ලේසියෙන් කාටවත් අමතකවෙන්නේ නෑනේ.

බර්ටියා කඩේට රිංගන කොටම මුදලාලි දත් තිස් දෙකෙන් තිහක් විතරම පෙන්නලා හිනාවෙලා "මාත්තියා වාඩිවෙන්න" කිවුවා. බර්ටියත් ඉතින් කඩේ මුදලාලිට හිනාවක් එහෙම දාලා වාඩිවෙන්න යනකොට දැක්කා කපල් එකක් ඉන්නවා එක මේසෙක වාඩිවෙලා කෑම කකා. ගෑනු ළමයා නම් පිස්සු බෝල බෝල වෙන තරමට ලස්සන ගෑනු ළමයෙක්. හැබැයි බොහොම වැදගත් විදිහට ඇදලා කරලා තමයි හිටියේ.

බර්ටියත් ඉතින් අයිනකින් වාඩිවෙලා තෝසේ පාරක් ඕඩර් කළා. බර්ටියට ඉතින් තෝසේ කන ගමන් ඉඳ හිටිලා අර ඉටි කිරිස් ගෑණු ළමයා දිහාත් බලනවා, "හිත හීලෑ නෑ" කියලා. ඒ මදිවට ලස්සනට දේකට ඇස් ඇදිලා යයි සිරිබර විසිතුරු ලොවේ" කියලත් සින්දුවක් තියෙනවානේ. ටිකකින් ඒ ජෝඩුව කාලා ඉවරවුනා. බිලත් ගෙවුවා වේටර් කොලුවට. යන ගමන් කොල්ලා මුදලාලිට මොනවද කියලා ගියේ. බර්ටියත් ඉතින් තෝසේ ගිලින ගමන් සීන් එක බලාගෙන ඉන්නවා හිමින් සැරේ. මේ වෙනකොට කොහොමත් කඩේ තව හතර පස් දෙනෙක් හිටියා.

     අර ජෝඩුව ගියා විතරයි මුදලාලි නැගිට්ටා කැෂියර් කූඩුවෙන්. වෙසමුණි රජ්ජුරුවෝ      වගේ ආවා මේස තිබ්බ පැත්තට. එතකොට අර ජෝඩුව හිටිය මේසේ සුද්ද කරනවා      ඒකට කෑම ගෙනාපු වේටර් කොලුවා. මේසේ ගාව නැවතිච්ච මුදලාලි අත දිග ඇරලා      කම්මුල් පාරක් දුන්නා වේටර් කොලුවට නිකම් අරවින්ද, ග්ලෙන් මැක්ග්‍රාත්ට හයේ      පාරක් ගහනවා වගේ. තව පොඩ්ඩෙන් කකා හිටපු වඩේ කෑල්ලත් හිරවෙලා බර්ටියත්      මැරෙනවා එතනම.

     ඊට පස්සේ මුදලාලිය සුද්ද සිංහලෙන්ම බැන්නා අර වේටර් කොලුවට. ඇත්තටම      මුදලාලි සිංහලෙන් තමයි බැන්නේ. සමහරවිට වේටර් සිංහල කොල්ලෙක් වෙන්න      ඇති. “යකෝ, කඩේට එන මිනිස්සුන්ට ගාව හරියට හැසිරෙන්න ඉගෙන ගනින්”,      ඔන්න ඔය වගේ දෙයක් කියලා තමයි මුදලාලි වේටර් කොලුවට බැන්නේ. බර්ටියට      හරියට මතක නෑ ඉතින්

     දැන් බර්ටියටත් මාර ප්‍රශ්නේ මොකක්ද මේ සීන් එක කියලා. පස්සේ මුදලාලිම      විස්තරේ කිවුවා. වේටර් කොලුවා අර ජොඩුවේ කොලුවා පොඩ්ඩක් එහාට මෙහාට      වෙනකම් ඉදලා අර ගෑනු ළමයට ටෙලිෆොන් නම්බර් එක දීලා කෝල් කරන්න කියලා. කෙල්ල ඒක කොල්ලට දීලා. කොල්ලත් මෝඩයා වගේ එතන රණ්ඩු කරගන්නේ නැතුව කඩේ මුදලාලිට විස්තරෙත් කියලා කොළ කෑල්ලත් දීලා. ඔන්න ඕකයි සීන් කෝන් එක. ඊළඟ සතියේ බර්ටියා කඩේට යනකොට අර වේටර් කොලුවා මිසින්. ___________________________________________________________________________________

KB 2021.01.12