මගේ දුවේ

මා දයාබර දියණියට

මගේ දුවේ නුඹ අවදියෙන්
දකින්න කටුක බව මේ ජීවිතේ
සේද සලුවෙන් වැසුණු - මල් සුවඳින් පිරුණු
සුන්දරත්වයට මතින්
සැඟවුණු කුරිරු බව දැනෙයි එවිට නුඹහට

බැටළු හම පොරවාගත් වෘකයින්ද
ලේ සුවඳට ඉවකරන පිසාචයින්ද
ගැවසෙයි නුඹ අසලම
ගිලගන්නට ඔය සොඳුරු දිවිය

මේ දිවි මඟ දෙපස පිපී දිලෙන්නේ
සිනා මල් පමණක්ම නොවන බවද
ඒ නෙලූ මලින් ගලන්නේ රක්ත වු රුධිරය බවද
වැටහේවි දිනෙක නුඹහට

සැමවිටම පසුවෙයන් විමසුමෙන්, අවදියෙන්
මඟහැරෙන එක් මොහොත
ගෙනෙයි යම් අනතුරක්
නුවණැස අවදියෙන් බලන් නුඹ පෙරමඟ
කෙම්බිමක් ඇත්තේද අත ළඟය සැමකළ
මංමුලා නොවී කිසිදා දිරියෙන් බලන් ඉදිරිය
ජවය ඔබ සතුය හැමවිටම
දිනන්නට නුඹ සිහින ___________________________________________________________________
KB 2021.05.29