ශ්‍රී ජයදේව නමැති ඍෂි වරයා රචනා කළ ගීත ගොවින්දයට අනුව රාධා නම් රෑමත් තරුණියත් ක්‍රිෂ්නා නම් ගොපළු තරුණයත් අතර ඇතිවන්නා වු ප්‍රේමය රාධා ක්‍රිෂ්ණා ප්‍රේම වෘතාන්තයේ දැක්වෙනවා. මොවුන් දෙදෙනා අතර ඇතිවන ප්‍රේමය කායික ඇසුරක් දක්වාම යන්නකි. ටික කලකින් ක්‍රිෂ්ණ ගෝපිකාවන් සමග ඇසුරට වැටීම නිසා රාධා ඔහුගෙන් මිදී දුකින් කාලය ගත කරයි. මේ ක්‍රිෂ්ණා හා රාධා අතර ඇතිවන ප්‍රේමය තවත් මානයකින් දැකීමකි.
දිවා කාලය සැඟව ගොස් සැදෑවත් එළඹ ඇත
පිරුණු දෑසින් කඳුලැල්
තවමත් සිටිමි මම බලා
සන්තාපයෙන් පෙර මඟ
එක්ව අතැඟිලා පටලා
ඇවිද යන්නට මල් පාවඩ මතින් වෘන්දා වනේ
පෙරුම් පුරමින් බලා සිටියෙමි මම
සතුටින් පිරුණු හදැතිව
පෙම්බස් දොඩමින් විදින්නට ප්‍රේමය
බලා සිටියෙමි නොඉවසිල්ලෙන්
බොහෝ දිනක් මේ රාධා
ඇයිද පමා ඔබ මෙතරම්
ඔබ කොහේ හෝ සැඟවුණිද මා දමා
ගොපළු ලියන්ගේ සුවදේ දැවටි
තවමත් ඔබ කෙළිදොලෙන්ද
යමුනා ගං තෙරේ
සොයමි මම තවමත් ඔබව ක්‍රිෂ්ණා
හද පිරි සෙනෙහසින්
රාධා තවමත් බලා සිටියි පෙර ලෙසම
ඔබ එනතුරා
___________________________________________________________________
KB 2020.09.08
1 comment:
😍😍🌹 lassanaai..
Post a Comment