ඔය කටයුත්ත ඉෂ්ඨ සිද්ධ කරලා එන ගමන් අපේ කට්ටිය කඩවත ප්‍රසිද්ධ රොටි කඩයකට ගොඩ වැදුණා (මේවා ජාත්‍යාන්තර රොටි හරිද ලංකාවේ ඒවා වගේ නෙමෙයි). කට්ටිය කිව්වට මහ ගොඩක් හිටියේ හිටියේ නෑ. අපේ කට්ටිය බර්ටියත් එක්කම පස් දෙනයි. මොකද රටේ ඒ වෙනකොට තිබ්බ ආරක්ෂක තත්වෙත් එක්ක පස්දෙනෙකුට වඩා පිළියන්දල SOS එකට ඇතුල් වෙන්න අවසර ලැබුණේ නෑ (බෝම්බ සීන් තමයි ඉතින්). අපි රොටි කඩේ ඇතුලත තිබ්බ මේසෙකින් වාඩි වුනා. පොඩ්ඩ වෙලාවකින් රොටි කඩේ වැඩ කරන ගෑනු ළමයා ආවා මෙනු එකකුත් උස්සගෙන.
අපේ ප්‍රින්සිල්පල් මැඩම් මෙනු එක බලලා එකේ ස්ටොපැෂල් ෆැමිලි පැක් එකක් ගන්න තීරණය කලා. ඉස්සෙල්ලාම අල ද නැත්නම් සුදු ළූනු පාන් ද කියලා තීරණය කරපු තරගෙන් බර්ටියා ඒ කියන්නේ සුදු ළූනු පාන් පරාජයට පත් වුනා. කරන්න දෙයක් නෑ. ඉතුරු ටිකත් ඕඩර් කලා. ඕය ඕඩර් කරපු ෆැමිලි පැක් එකට නොමිලේ හම්බවෙනවා තඩි කොකා බෝතලයකුයි ලාවා කේක් හතරකුයි.
මේ වෙනකොට නම් තව කට්ටිය තව ඇවිල්ලා හිටියා වටේ පිටේ මේස වලට. දැන් කට්ටිය බැරි බැරි ගාතේ ලාවා කේක් කනවා. ඔහොම කේක් කන ගමන් අපේ ප්‍රියදර්ශනී ටීචර් කිව්වා, බලන්න කෝ අනේ මේවා ලාවා කේක් වුනාට එන්නේ චොකලට් රහනේ කියලා. අම්මට සිරි ඒ කියන්නේ ප්‍රියදර්ශනී ටීචර් මීට කලින් ලාවා වල රස ටෙස්ට් කරලා තියෙනවා. ඕක කියලා ඉවර වුනා විතරයි අපේ කටවල් වලින් මහ සද්දෙට පැන්න හිනාව රොටි කඩේ වීදුරුත් දෙදරවලා දැම්මා.
දැන් කට්ටියම බඩවල් අල්ලගෙන කැහැ කැහැ හති දදා හිනා වෙනවා. මේ අවු අස්සේ අපේ රොටි කඩේ ගෑණු ළමයා දුවගෙන ඇවිල්ලා කියනවා මැඩම් හිනාව වුට්ටක් අඩු කරන්න, අනිත් අයට කරදරයි කියලා අපේ හිනාවෙන්. ඔන්න අපිට වෙච්ච දේ ලාවා කේක් කන්න කියලා. යන්තම් කඩවතින් ගුටි නොකා එන්න ආවා ලාවා කේක් කාලා.
KB 2020.10.16
1 comment:
😂😂
Post a Comment