ලෝගන් තිගැස්සී නෙත් හැර බැලුවා. වටපිට බැලූ ලෝගන්ට දකින්නට ලැබුණේ අඳුර හැර රාත්‍රියේ දිදුලන තාරකා පමණයි. තවත් එක් සාර්ථක දඩයම් චාරිකාවක් අවසන් කිරීමෙන් අනතුරුව ප්‍රංශයේ විල්පාන්ට් නගරයේ පිහිටි අසිපතේ මාළිගය කරා ගමන් කරන අතර තුර රැය පහන් කිරීමට ලෝගන් තෝරාගෙන තිබ්බේ රූස්ස ඕක් ගසක්.
“මොකක්ද මේ හීනේ තේරුම? දැන් දවස් ගාණක් තිස්සේ මට මේ හීනය පේනවා. කිසිම දෙයක් හරියට පැහැදිලි නෑ. මට හිතාගන්න බෑ මොකක්ද මම කරන්න ඕන කියලා. මොකක්ද මේ ආලෝකයේ මං පෙත කියන්නේ? ඒක තමයි තියෙන එකම හෝඩුවාව. සමහර විට ලේඛනාගාරයේ ඇති මේ ගැන යම් හෝඩුවාවක්”
එසේ සිතමින් නැවත වරක් තාරකා පිරි අහස දෙස බලමින් ලෝගන් නින්දට පිවිසුනා. දඩයක්කරුවා මේ වන විට අසිපතේ මාළිගයට දින දෙකක පමණ දුරින් සිටියේ. කිසිදු විශේෂ සිදුවීමකින් තොරව දින දෙකකට පසුව දඩයක්කරුවා විල්පාන්ට් හී අසිපතේ මාළිගයට පිවිසුනා. එහිදී සංවිධානයේ ග්‍රෑන්ඩ් මාස්ටරවරයා ලෙස කටයුතු කළ ජීන් ඩී බැල්ඩ්වින් මුණ ගැසුණා. ඔහු දඩයක්කරුවන්ගේ සංවිධානයේ ප්‍රධානියා වුවත් ඔහු ලෝගන්ගේ ළඟම මිතුරෙක් වුනා. ඔහු බොහොම උණුසුම් ආකාරයෙන් ලෝගන්ව පිළිගනු ලැබුවා.
කොහොමද ලෝගන්? දඩයම සාර්ථකද?
ඔව් උතුමාණනි. දඩයම නම් සාර්ථකයි.
මොකක්ද වෙලා තිබ්බේ ලෝගන්?
ලේ උරා බොන නොමළවුන්ගේ (Vampire) දඩයම් බිමක් වෙමින් තමයි නගරය පැවතියේ නගර වැසියන්ගෙම වැරැද්දෙන්. වසර ගාණක් සිරකර සිටි වෑම්පයර් කුමාරයෙක් නගර වැසියන්ම නිදහස කරලා. එතනින් එහාට කියන්න දෙයක් නෑනේ. ඔබට හිතාගන්න පුළුවන්නේ.
වෑම්පයර් කුමාරයට මොකද කළේ?
ඔහු බොහොම ශක්තිමත් වෙලා හිටියේ. කුමාරයෙක් නිසා මම හිතුවා ඔහු මට හොද සටනක් දේවි කියලා. ඒත් ඔහු මගේ බලාපොරොත්තු කඩ කරලා දැම්මා. අවසානයේ පපුව හරලා ලී උලක් සමඟ ගෙළ සිඳ දැමීමකින් ඔහුගේ ලේ පිපාසිත පාලනය අවසන් වුනා. සුපුරුදු විදිහට අළු වෙලා විසිරිලා ගියා.
ප්‍රශ්නය? ඔබ කොහොමද දන්නේ?
මම කෙතරම් කාලයක සිටද ඔබව දන්නේ ලෝගන්? ඔබ මොකක් හරි ප්‍රශ්නෙකින් ඉන්නේ කියලා මට දැනෙනවා.
ඔබතුමා හරි. මට එකම සිහිනයක් නැවත නැවත මට පේනවා දින
ගණනක සිට. සිහිනෙන් කියැවෙනවා ආලෝකයේ මං පෙතක් ගැන.
“ආලෝකයේ මං පෙත”?
ඔව් උතුමාණනි.
මං එහෙම දෙයක් ගැන කිසිදා අසා නෑ. මම හිතන්නේ අපිට ලේඛනාගාරයෙන් යමක් හොයාගන්න පුළුවන් වේවි ඒ ගැන. අපි ලේඛනාගාරයේ භාරකරුත් එක්ක කතා කරමු. මම හිතන්නේ අපිට ඔහුගෙන් යමක් දැනගන්න පුළුවන් වේවි.
ලෝගන් සමඟ නැගී සිටි ග්‍රෑන්ඩ් මාස්ටර්වරයා මාළිගයේ ඉහළ මාලයේ පිහිටි ලේඛනාගාරය වෙත ගමන් කළා. ඉහළ මාලයට පිවිසෙන විටම ඔවුන් දෙදෙනාට දැක ගැනීමට හැකිවුයේ ලේඛනාගාරයෙන් පිටතට එන එහි භාරකරු වූ නිකොලස් ඇල්බෙයාර්. ඔහු දැනුම ගබඩාවක් වන් වු පුද්ගලයෙක් වගේම හිටපු දක්ෂ දඩයම්කරුවෙක්. ඔවුන් දෙදෙනා දුටු ඔහු මදක් සිනාසි සිය හඩ අවදි කලා.
උතුමාණනි, මාව මුණ ගැහෙන්න එනවා වගේ. ලෝගන්, මට දැනගන්න ලැබුණා ඔබ සාර්ථක දඩයමක් කර මෙහි පැමිණි බව. මම මේ ඔබව මුණ ගැසීමට එන ගමන්.
ඔව් නිකොලස්. අපත් ඔබව මුණ ගැසීමට තමයි ආවේ. අපට විශේෂයෙන්ම ලෝගන්ට ඔබෙන් උදව් අවශ්‍ය වෙලා තියෙනවා. ඔබ අසා තිබෙනවාද “ආලෝකයේ මං පෙත” ලෙස හැදින්වෙන තැනක්?
සත්තකින්ම උතුමාණනි. මම ඒ ගැන අසා තිබෙනවා. ඔබට මොනවද දැනගන්න අවශ්‍ය ලෝගන්?
හැමදෙයක්ම නිකොලස්. හැමදෙයක්ම
උතුමාණෙනි අපි යමු එහෙම නම් ලේඛනාගාරයට.
ලේඛනාගාරයට පැමිණි නිකොලස් එහි කෙළවරක වු රාක්කයකින් විශාල පොතක් රැගෙන විත් ලෝගන් සහ ග්‍රෑන්ඩ් මාස්ටර්වරයා අසුන් ගෙන සිටි ආසන අසල වු මේසය මත තැබුවා.
මට කියන්න සියලුම විස්තර. පොඩි දෙයක් වත් මඟ හරින්න එපා.
මේක ආරම්භ වුනේ මම අන්තිමට කරපු දඩයමට පිටත් වෙන්න දවස් දෙකකට කළින්. මම සාමාන්‍යයෙන් හීන දකින්නේ නෑ. මම හිතුවා මේකත් මම කලාතුරකින් දැකපු එක හීනයක් වෙන්න ඇති කියලා. ඒත් ඒක එහෙම වුනේ නෑ. එදා ඉදන් හැමදාම මට මේ එකම හීනේ පේනවා.
මොනවද ඔබට පෙන්නේ?
වැඩි දෙයක් නෑ. බොහොම සුන්දර කාන්තාවක්. ඇයව කොහේ නමුත් අඳුරු තැනක සිරකර ඇති බවකුයි පේන්නේ. ඇය හැම තිස්සේම කියන්නේ මෙන්න මේ වචන ටික. “අඳුරු මං පෙත තුළින් ආලෝකයේ මඟ දකින්න ලෝගන්. ඔබට එය කළ හැකිය. මා හට ඉතිරිව ඇති කාලය සීමිතයි. ඉක්මන් කරන්න. මටත්, මගේ ජනතාවටත් ඔබේ උපකාර අවැසියි. එය ඔබේ දෛවයයි ලෝගන්. ආලෝකයේ මං පෙත සොයා එන්න.”
ලෝගන්, ආලෝකයේ මං පෙත ගැන සඳහන් වෙන්නේ ස්කැන්ඩිනේවියානු ප්‍රවාද වල. ස්කැන්ඩිනේවියාව කියන්නේ උතුරු යුරෝපයේ රටවල් කීපයක් එකතු කළහම එයට දෙන නමක්. ඩෙන්මාර්කය, නෝර්වේ, ස්වීඩනය, අයිස්ලන්තය හා ෆින්ලන්තය කියන රටවල් තමයි මේ කලාපයට ඇතුලත්වෙන්නේ. මේ බලන්න.
තමා මේසය මත තැබූ පොත දිග හරිමින් නිකොලස් පවසා සිටියා. පොත මැද හරියේ වූ සිතියමකට ඇඟිල්ල තබා එය ලෝගන්ට හා ග්‍රෑන්ඩ් මාස්ටර්වරයාට පෙන්වා සිටියා. එය දෙස විමසිල්ලෙන් බැලූ ඔවුන්ට දකින්නට ලැබුනේ එහි සටහන්කොට තිබූ “ආලෝකයේ මං පෙත” යන වචනයයි.
ඔබ මේ කියන ප්‍රදේශය තියෙන්නේ නොර්වේ වල ඉදන් සැතැප්ම 50 විතර ඊසාන දිගට වෙන්න.
දැනෙන විදිහට මේ ගමන ඉතාමත් දුෂ්කරයි වගේ
ඒක හරි ලෝගන්. ස්කැන්ඩිනේවියානු කලාපය කියන්නේ බොහොම පැරණි ඉතිහාසයක් තියෙන ප්‍රදේශයක් වගේම බොහොම අද්භූත දේවල් ගැන අහන්න දකින්න ලැබෙන ප්‍රදේශයක්. ඔබ කියන මේ “ආලෝකයේ මං පෙත” වැටී තියෙන්නේ මෙන්න මේ කඳු ගැට දෙක මැද්දෙන්. එහෙම නමක් පාවිච්චි කළාට කවුරුවත් මේ මං පෙත හරහා යන්න පෙළඹෙන්නේ නෑ. ඒකට හේතුව එයට අරක්ගෙන තිබෙන අද්භූත ස්භාවය වගේම අතිශයෝක්තියකින් යුත් කට කතා.
මේ කලාපය ගැන කතා කරන කොට අපිට මතක් වෙන්නේ නොරිස් ජන කතා වල එන දෙවිවරු. එහෙම නැත්නම් බොහොම දරුණු ආක්‍රමණියන් කොට්ඨාශයක් වන වයිකින්වරුන් අදහපු දෙවිවරුන්. ඒ කියන්නේ ඕඩින් (Odin), දෙවිවරුන්ගේ නායකයා. එහෙම නැතිනම් සියලු දෙනාගෙම පියා (All father) විදිහට ඔහුව හදුන්වනවා. ඊළඟට තෝර් (Thor), බෝල්ඩර් (Balder), ලෝකී (Loki), සිෆ් (Sif) වගේ අපි හැමෝම දන්න නම්. හැබැයි මේ ප්‍රවාද වල ඉතාමත් කළාතුරකින් සඳහන් වෙන තවත් දෙවිවරු කිහිපදෙනෙක් ඉන්නවා.
නිකොලස්, මේ පාර කොහෙන්ද ඉවරවෙන්නේ?
පොතේ වු සිතියම දක්වමින් ග්‍රෑන්ඩ් මාස්ටර්වරයා එකවරම විමසා සිටියා.
එහෙම ලොකු විස්තරයක් කරන්න තරම් මගේ දර්ශනය පැහැදිලි නෑ. මම කළින් කිවුවා වගේම ඇය බොහොම සුන්දරයි. දිගු කළු පැහැති කොණ්ඩයක්. සමහර වෙලාවට ඇයව සිරකරලා තිබෙන තැන ඇති අඳුර අතරින් පියාපත් වැනි යමක් දක්නට ලැබෙනවා. හරියටම පැහැදිලි නෑ ඒ දර්ශනය.
මේ බලන්න ලෝගන්, ස්කැන්ඩිනේවියානු ජන වහරේ කොටසක් පමණක් කතා කරන දේවතාවියක් ඉන්නවා ඔබ කියන ස්වරූපයට සමානව. හැබැයි ඒ ගැන දැක්වෙන කිසිම රෑප සටහනක් නෑ. ඇයව හදුන්වන්නේ “සෙලීන්” යන නාමයෙන්. ශ්‍රීක භාෂාවට අනුව සඳ. බොහොමයක් පැරණි ශිෂ්ඨාචාරවල සඳ ප්‍රභලම දේවත්වයක් ලෙසයි සලකන්නේ. මෙතනදිත් එහෙමයි. මේ පොතේ සටහන් වෙන විදිහට “සෙලීන්” කියන්නේ බොහොම බලවත් දේවතාවියක්. ඇයව හදුන්වන්නේ ජීවයේ හා මරණයේ දේවතාවිය හැටියට. ඇයට ස්වරූප දෙකක් තියෙනවා. එකක් මට හිතන විදිහට ලෝගන්ට සිහිනෙන් දකින්නට ලැබෙන ඇගේ සෞම්‍ය වු ස්වරූපය පියාපත් සහිතව දේව දූතියක් ආකාරයට.
අනික මොකක්ද නිකොලස්.
පැරණි සටහන් වල තියෙන විදිහට ඒක හරි භයානක ස්වරූපයක් ලෝගන්. ශරීරයෙන් අඩක් සාමාන්‍ය ස්වරෑපය අනිත් අඩ මරණයේ ස්වරෑපය. දැනෙන විදිහටම එය අතිශයින්ම භියකරුයි.
ඇය බලවත් දේවතාවියක් නම් ඇයට මගේ උදව් මොකටද? මම සාමාන්‍ය මනුස්සයෙක්.
අපි හිතන්නේ නැති විදිහට මේ දෙවිවරුන්ටත් අපිව උවමනාවෙන වෙලාවල් තියෙනවා ලෝගන්. සමහර විට ඔවුන්ගේ බලයේ මූලය විනාශ වීමක් හෝ සොරා ගැනීමක් වෙන්නත් පුළුවන්.
නිකොලස් මට තව විස්තර කියන්න මේ කලාපය ගැන.
ලොකු විස්තරයක් නෑ ලෝගන්. වනාන්තර වල අඳුරේ වගේම එළියේ බලවේගද දක්නට ලැබෙනවා. ජලයට අරක්ගත්තු දිය කිඳුරියන් වැනි භයානක සතුන් කොට්ඨාශයක් දකින්නට ලැබෙනවා සයිරන් (Siren) නමින් හදුන්වන. ඔවුන්ට මිනිස් වෙස් ගන්නත් පුළුවන්. ජලයෙදි අතිශයින්ම ප්‍රචණ්ඩයි. කිසිවෙක්ට ඔවුන්ව ජලයෙදි පරාද කරන්න බෑ. ඒ වගේම වනාන්තර වල විවිධාකරයේ අද්භූත සත්ත්වයන් සිටිනවා කට කතා වලට අනුව. ඔය වගේ බොහොමයක් හෙළිනොවුණු දේවල් මේ කලාපයේ දකින්නට ලැබෙනවා.
තිදෙනා අතර විනාඩියක පමණ නිශ්ශබ්දතාවයක් පැතිරී ගියා. අනතුරව ලෝගන් වෙතට හැරුණු ග්‍රෑන්ඩ් මාස්ටර්වරයා,
ලෝගන්, මොනවා කරන්නද කල්පනාව?
මම යන්න ඕන එහාට. මට මේ හීනයේ අවසානයක් දකින්න ඕන. මට මේ හීනය හරිම කරදරයක් වෙලා තියෙන්නේ.
මේක ලේසි වැඩක් වෙන්නේ නෑ. අපි කිසිම කෙනෙක් මේ කලාපය ගැන දන්නේ නෑ ලෝගන්. ඔබ තනියම යන එක එච්චරම නුවණට හුරු වැඩක් කියලා මම හිතන්නේ නෑ.
මට වෙන කරන්න දෙයක් නෑ උතුමාණෙනි. මට මේක කරන්නම වෙනවා.
නිකොලස්, මොකක්ද ලෝගන්ට සුදුසුම ගමන් මාර්ගය?
මට වෙන කරන්න දෙයක් නෑ නිකොලස්. මට මේ ගමන යන්නම වෙනවා.
මම හිතුවා ඔබ ඔය අදහස කොහොමටත් වෙනස් කරන්නේ නෑ කියලා. උතුමාණෙනි ඔබේ අවසරය තියෙනවා නම් මම කැමතියි ලෝගන් එක්ක එකතු වෙන්න.
ඔබ? එතකොට කවුද ලේඛනාගාරය බලාගන්නේ?
මගේ දෙවෙනියා ඉන්නවා ඒ කටයුතු වලට උතුමාණෙනි. ඔහුට ඒ කටයුතු බාර ගැනීමට කාලය හරි. මම කොහොමටත් කැමැත්තෙන් හිටියා හොද ගවේෂණ කටයුත්තක යෙදෙන්න. මේ ඒකට හොදම අවස්ථාව කියලා මම හිතනවා.
ලෝගන් මොකද ඔබ මේ අදහස ගැන කියන්නේ?
මගේ නම් අකැමැත්තක් නෑ ඔහුට හැකියාව තියෙනවානම්. දැන් වයසයිත් වගේ?
මඳ සිනහවක් සිය මුවට නගා ගනිමින් ලෝගන් පවසා සිටියා.
ගියහම බලාගන්න බැරි යැයි නාකියා කවුද කියලා.
එහෙනම් නම් මම ඔබ දෙදෙනාගේ ගවේෂණයට අවශ්‍ය කරන කටයුතු සුදානම් කරන්නම්. ඒකට දවස් කීපයක් ගතවෙයි මම හිතන්නේ. එතකම් ඔබේ වෑම්පයර් දඩයම ගැන විස්තර ටික නිකොලස්ට කියන්න. හැම දෙයක්ම හොදින් සිදුවෙයි කියලා මම හිතනවා. ඔබ දෙදෙනා ගමනට අවශ්‍ය කරන දෑ ලෑස්ති කරගන්න. මේක බොහොම දීර්ඝ ගවේෂණයක් වෙනවා නොඅනුමානයි. සීතලට හරියන්න අවශ්‍ය කරන්න ඇඳුම් ලෑස්ති කරගන්න කෝකටත්. අපි මේ කලාපය ගැන වැඩි විස්තර නොදන්නා නිසා හැම දෙයටම සුදානම් වෙන්න වේවි. ලෝගන් ඔබේ අවි ආයුධ පරීක්ෂා කර බලන්න. අවශ්‍ය උණ්ඩ උපකරණ ලබාගන්න. එහෙම නම් අපි පසුව හමුවෙමු.
ගමනකින් අනතුරුව වර්ෂ 1765 මැයි මස 25 වන දින ඔවුන් දෙදෙනා ලාර්වික් වරායට ගොඩ බැස්සා
කැතලීනා, කොහොමද ඔහුගේ තත්වය?
ලෝගන්, සිහිසුන්ව වැතිර සිටි ඇද අසලම පුටුවක අසුන්ගෙන නොදැනීම නින්දට වැටී සිටි කැතලීනා සෙඩ්රික්ගේ කටහඩින් පිබිද දුක් මුසු මුහුණකින් සෙඩ්රික් දෙස බැලුවා.
කිසිම වෙනසක් නෑ සෙඩ්රික්. ඔහුට තවම සිහිය ආවේ නෑ. දවස් දෙකක් තිස්සේ ඔහු මෙහෙමයි. ප්‍රංශයේ සිටින හොදම වෛද්‍යවරයාටවත් කිසිම දෙයක් කරන්න බෑ කිව්වා ඔහු වෙනුවෙන්. ඔහු කොයි වෙලාවේ කොහොම මේ තත්වයෙන් මිදෙයිද දන්නේ නෑ. මම කොච්චර උත්සාහ කළත් මටත් බැරිවුනා ඔහුගේ ශරීරයේ තියෙන මැන්ටිකෝර් විෂ නසන්න පුළුවන් ප්‍රති විෂක් නිර්මාණය කරන්න.
ඔබ පොඩි විවේකයක් ගන්න කැතලීනා. මම ඉන්නම් ලෝගන් ගාවින්.
ස්තූතියි සෙඩ්රික්. කමක් නෑ. මම ඉන්නම්.
ඔබ ඊයේ ඉදලම දවසම මෙතන නිදි නැතුව ඉන්නවා. ඔබත් අසනීපවෙන්නට පෙර විවේකයක් ලබාගන්න. ඔහු මගේ ජීවිතය බේරාගත්තා කැතලීනා. මටත් ඔහු වෙනුවෙන් යමක් කරන්න දෙන්න.
හොදයි. මොනවා හරි වෙනසක් වුනොත් මට කියන්න. ඔහුගේ උණ වැඩි වෙන්න දෙන්න එපා. සැරින් සැරේ මුහුණයි හිසයි ජලයෙන් පිස දාන්න.
එසේ පැවසූ කැතලීනා ලෝගන් දෙස එක් වරක් බලා කාමරයෙන් පිටවී ගියා. ලෝගන් අසලට ආ සෙඩ්රික් ඔහු දෙස ශෝකයෙන් බලා කැතලීනා අසුන්ගෙන සිටි පුටුවේම අසුන්ගත්තා.
___________________________________________________________________________________
KB 2021.03.20
No comments:
Post a Comment